Dikur Erjon Veliaj fliste për kopshte, çerdhe e pemë, ndërsa sot nga burgu e mbush gojën me mllef dhe sharje. Kryebashkiaku që ndante nga të gjitha anët leje ndërtimi, e kishte bazuar PR e tij tek energjia e mirë, ndërsa tani ka vetëm një gjë për të ndërtuar: një listë të gjatë fyerjesh për drejtësinë që e futi pas hekurave.
Ja disa nga “perlat” që ka lëshuar nga qelia vetëm në statusin e tij të fundit:
Për prokurorin Ols Dado:
“Përndjekësi i familjes sime për llogari të Sali Fundërrinës”
“Një maniak që më ka hyrë nga vrima e çelësit në jetën time dhe në fustanët e gruas sime”
“Pitbulli i Sali Berishës”
“Violina e Saliut”
“Një rraqexhi vanitoz, pesanjos dhe karagjoz”
“Ols akrepi”
“Prokuror hajvan”
Për gjykatësin Erion Bani:
“Adashi kasap”
“Gjykatës taleban”
“Ban nepërka”
Për Sali Berishën:
“Sali Fundërrina”
“Sali Këllira”
“Vrasësi i 21 janarit dhe Remzi Hoxhës”
“Krimineli i Gërdecit”
“Burgosësi i liderit të opozitës”
“Zjarrvënësi i ‘Koha Jonë’”
“Druvari mbi opozitarët”
“Hajduti i zgjedhjeve”
“Bashkëthemeluesi i piramidave me Suden dhe Vebi Alimuçën”
“Pompisti i naftës së Millosheviçit”
“Bësepreri i Azem Hajdarit”
“Gllabëruesi i Klubit Partizani”
“Shoku i idealeve të Rezar Taçit”
“Grepsi i lekëve të fëmijëve autikë”
Kjo metamorfozë nga “kryebashkiaku i mirë” te “i burgosuri i inatosur” është edhe ironia më e madhe për një politikan që dikur e mbulonte realitetin me ngjyra, buzëqeshje dhe fjalë të ëmbla.
Po çfarë ndryshoi? Deri pak javë më parë, Veliaj ishte në majën e qendrës së pushtetit, kontrollonte lejet e ndërtimit, qindra miliona euro taksa dhe sigurisht; ekranet e televizioneve. Ndërsa tani kontrollon vetëm pusullat që dërgon nga qelia.
