Dosje të shumta janë larguar nga bashkia Tiranë me kamion ditën e sotme. Punonjësit kanë ngarkuar kamionin me dosje dhe dokumente të ndryshme.
Sipas denoncimit të avokates Adriana Kalaja, dosjet që janë ngarkuar në këtë kamion, janë për të prishur provat në lidhje me arrestimin e Veliajt. Avokatja Kalaja i ka bërë thirrje SPAK dhe prokurorëve që të marrin masa të menjëhershme në lidhje me këtë skandal që po kryhet në qendër të Tiranës.
"Erion Veliaj vijon prishjen dhe manipulimin e provave. Ku po shkojnë këto dosje? I bëj thirrje prokurorëve të çështjes, i bëj thirrje Olsi Dados dhe Dumanit të marrin masa të menjëhershme se çfarë janë këto dosje, ku po shkojnë dhe çfarë kërkojnë të fshehin. Shikoni se si po transportohen dosje pafund nga bashkia Tiranë, ku i lutem prokurorisë së posaçme të paraqitet të paraqitet në Bashkinë Tiranë.
Ndërkohë që Erion Veliaj është nën masën e arrestit me burg, këta mësyjnë për të zhdukur provat. Ky është mjeti në varësi të bashkisë Tiranë që po bëjën transportimin e këtyre dosjeve. Ligji e përcakton saktë se si është marrja në dorëzime e materialeve që mund të ndikojnë në procesin hetimor e në këtë rast ju e dini mirë se Veliaj po fsheh provat sepse vetëm këtë di të bëjë. Është shumë e rëndësishme që SPAK urgjent të vijë të bëjë inventarin lidhur me provat që administron Bashkia Tiranë, por sidomos me këto provat që po meren sot", tha Kalaja.
Për rastin ka reaguar edhe kreu i PD-së Sali Berisha, i cili ka publikuar videon e një kamioni të mbushur me dosje pranë bashkisë Tiranë.
“Nga burgu, Lal Vjedhësi urdhëron zhdukjen e dokumentave! Pasi kanë vjedhur, duan të zhdukin gjurmët!”, shkruan Berisha.
