Pas 6 ditësh në spitalin rajonal të Shkodrës, ka ndërruar jetë mëngjesin e sotëm Anila Ndoka Prendushi.
Ajo u qëllua me pistoletë nga i dashuri i saj, i cili më pas vrau veten. Plumbi i kishte prekur një pjesë të trurit dhe gjatë gjithë kësaj periudhe ishte në repartin e reanimacionit në gjendje të rëndë për jetën.
Ngjarja e rëndë u regjistrua në lagjen “Mark Lula” paraditen e së martës së kaluar. Kolë Manaj qëlloi në kokë partneren 44-vjeçare brenda automjetit dhe më pas vrau veten. Anila ishte nëna e tre fëmijëve, 20, 18 dhe 9 vjeç.
