Një nga kundërshtarët dhe kritikët e tij më të egër, ish komandanti i UÇK-së dhe kreu i partisë Nisma Social Demokrate, mund të shndërrohet në çelësin e përsëritjes së një qeverie të Vetëvendosjes, me kryeministër Albin Kurtin. Ndonëse VV fitoi me një diferencë të thellë ndaj kundërshtarëve të saj kryesorë (41%), duke mbledhur më shumë vota se PDK dhe LDK të marra së bashku, ajo nuk e arriti objektivin e saj për të fituar një shumicë të plotë për ta bërë qeverinë e vetme. Ende sot kur nuk janë numëruar votat e emigrantëve kosovarë dhe ato me kusht partia e Kurtit mendohet se do të ketë 47-47 deputetë në kuvendin e ardhshëm, nga 61 që i duhen për të kormuar qeverinë. Nga këto 10 vota i takojnë minoriteteve jo serbe, (turq, ashkali, boshnjake etj), kështu që Vetëvendosjes i duhen edhe 3-4 deputetë. Pikërisht këtë boshllëk ka dhënë sinjale se mund ta plotësojë kreu i Nisma, Fatmir Limaj. Ky i fundit në emisionin “Debat Plus” duke vënë theksin tek “interesi kombëtar” nuk e përjashtoi një aleancë me Vetëvendosjen. “"Kusht t’më ftojë në tavolinë, unë shkoj dhe ulem – për tema kombëtare. Vendi ka nevojë për një qeveri funksionale", tha Fatmir Limaj.
Andi Bushati: Po sikur Albin Kurti të tërhiqej?
Mirëpo kjo kthesë e fortë ka shkaktuar një rrëmujë të madhe në Kosovë sepse duke qenë deri në ditën e zgjedhjeve të 9 shkurtit i rreshtuar në opozitë, në koalicion me Ramush Haredinajn, kjo i është llogaritur Limajt si një tradhëti e madhe. Menjëherë pas deklaratave surprizë reagoi partneri i tij i koalicionit, Ramush Haradinaj, i cili shkroi në Facebook se “e keqja ka emër, Albin Kurti”.
Edhe një nga kyç të partisë së tij AAK-së, Bekë Berisha, e ironizoi Limajn:“interesat e ngushta, mos na i shitni për interesa nacionale”.
Ndërsa, Ardian Gjini, nënkryetar i parë i AAK-së, deklaroi në emisionin “Rubikon” të Klan Kosova, se nuk ia merr mendja që Limaj do të devijojë nga kursi i përbashkët.
Gjini pohoi se Limaj “shkaktoi konfuzion, habi” me ndryshimin e kursit që pati.
Nga ana tjetër partia në pushtet Vetëvendosja, i ka pritur me heshtje mundësinë për një aleancë që do ti siguronte asaj shumicën qeverisëse. Kjo se në të shkuarën Limaj e ka etiketuar Albin Kurtin si një “Lenin të vogël”, “mashtrues”, që po shkatërron Kosovën.
Albin Kurti fiton zgjedhjet, por ngec në formimin e qeverisë
Por përpos hendekur moral koalicioni mes Limajt dhe Kurtit ka edhe pengesa pragmatike. nëse vendosin të bashkohen askush nga deputetët e Nismës nuk mund të bëhet pjestar i qeverisë, pasi në Kosovë kush emërohet ministër duhet të heqë dorë nga mandati i deputetit dhe nëse ata që kanë fituar të drejtën të hyjnë në parlament bëjë këtë zgjedhje, duke qenë se janë në të njëjtën listë me Haredinajn, vendet e deputetëve mund ti kalojnë AAK-së. Pra dilema është a do i jepte votat Limaj për një qeveri ku nuk mund të marë asnjë post?
Gjithësesi deri më tani, ndryshe nga të gjithë opozitarët e tjerë që janë shprehur për një qeveri të opozitës dhe e kanë pasur vijë të kuqe bashkëpunimin me Albin Kurtin Fatmir Limaj e ka thyer këtë tabu. Ai nuk është shprehur kundër një përsëritje të një mandati të ri të kryeministrit aktual të Kosovës, së paku deri kur të përfundojnë llogaritjet e përfundimtare të numrit të mandateve duke qenë se numërimi i votave të diasporës nis të mërkurën.
©Lapsi.al
