Kanë dalë para pak çastesh exit poll për zgjedhjet parlamentare të mbajtura sot në Gjermani. Ashtu siç pritej (foto kryesore) CDU/SCU renditet e para me 29% të votave.
Në vend të dytë vjen AfD, radikale e djathtë me 19.5% të votave. SPD në pushtet e kancelarit Olaf Scholz vjen e treta me 16% të votave. Grafiku më lart tregon edhe diferencat me zgjedhjet e kaluara. Më poshtë ndarja e vendeve në Bundestag.
Ndërsa më poshtë janë disa projeksione të bëra nga DW për mënyrat se si mund të formohet qeveria e re duke kujtuar se duhen të paktën 316 vota për të bërë shumicën.
59.2 milionë gjermanë kishin të drejtë të votojnë në këto zgjedhje, rreth 1.2 milionë më pak se në vitin 2021. 30.6 milionë janë gra dhe 28.6 milionë janë meshkuj. 2.3 milionë të rinj kishin të drejtë vote për herë të parë duke përbërë 3.9% të të gjithë votuesve.
Pas reformës zgjedhore, numri i deputetëve është kufizohet në maksimumi 630 deputetë. Bundestagu do të ketë më shumë se 100 anëtarë më pak pasi aktualisht janë 733 deputetë.
LEXO EDHE: A është Gjermania në prag të një kthese politike?
Në zgjedhje morën pjesë 29 parti, dukshëm më pak se në zgjedhjet e fundit të vitit 2021, kur u pranuan 47 parti. Numri i kandidatëve për deputetë është 4506, dukshëm më i ulët se zgjedhjet e vitit 2021, atë kohë ishin 6211.
Janë 5 kandidatë për kancelar dhe nuk ka pasur kurrë kaq shumë në Gjermani. Friedrich Merz (CDU) kandidon për Unionin, kancelari, Olaf Scholz për SPD dhe Robert Habeck për të Gjelbrit. AfD ka emëruar Alice Weidel, kurse Aleanca Sahra Wagenknecht, BSW ka emëruar kandidate për kancelare, Sahra Wagenknecht. ©LAPSI.al
