Arben Cipa kreu i operatoreve turistikë në Sarandë është dhunuar barbarisht nga dy persona një ditë më parë.
Ai tregon se teksa ishte në rrugë njëri nga sulmuesit i indentifikuar si Dio e ka ndaluar dhe ka biseduar në lidhje me këtë projekt.
“Unë isha duke shkuar në punë, kur papritur një person me emrin Dio më ka prerë rrugën bashkë me një tjetër dhe ka nisur të fliste për një çështje lidhur me një projekt timin. Ata ishin duke bërë gjithçka për të penguar zhvillimin e tij dhe këtë e shprehnin në formë fyerjesh,” tha Çipa.
“Në atë moment unë nuk i kam pranuar fyerjet dhe ata kanë shfrytëzuar momentin dhe më janë vërsulur brenda makinës time me grushte dhe gurë dhe e kam pasur të pamundur të mbrohem në atë moment”, tregon ai.
Policia e Sarandës bëri me dije se ka arrestuar në një banesë në fshatin Lukovë, ku po fshihej njërin nga agresorët, shtetasin D. M., 37 vjeç, me precedent kriminal në krimet ndaj personit. Ndërkohë, vijon kërkimi për kapjen e shtetasit M. M., 29 vjeç.
