Tetë ndeshjet e kthimit të playoff të Europa League do të përcaktojnë edhe 8 skuadrat që do të shkojnë në 1/8 e turneut, ashtu si do të ndodhë edhe në Conference League. Sfida më impenjative duket në Itali, ku Roma do të presë Porton me një barazim nga ndeshja e parë por me shumë mungesa. Me një epërsi prej tre golash nga ndeshja e parë, gjigantët turq të Fenerbahçe udhëtojnë drejt “Lotto Park” në Bruksel për t’u përballur me Anderlecht në sfidën e kthimit të “playoff”-eve të Europa League, të enjten në mbrëmje.
Anderlecht me shpresën e një përmbysjeje të pabesueshme
Pas përfundimit në vendin e 10-të në renditjen e përgjithshme të Europa League-s me 36 skuadra, Anderlecht humbi mundësinë për t’u kualifikuar direkt në 1/8 për shkak të golavarazhit. Situata e belgëve është kritike pas humbjes 3-0 në ndeshjen e parë ndaj Fenerbahçes. Gjatë asaj sfide, Dusan Tadic dhe Edin Dzeko shënuan në pjesën e parë, ndërsa Youssef En-Nesyri vulosi rezultatin në të dytën, duke i dhënë Fenerbahçes një avantazh të rëndësishëm dhe duke i shkaktuar Anderlechtit disfatën e tretë jashtë fushe në katër ndeshjet e fundit.
Megjithatë, skuadra belge u rikthye te fitorja fundjavën e kaluar, duke mposhtur Charleroi 1-0 falë një goli në pjesën e dytë nga zëvendësuesi Luis Vazquez, duke siguruar një vend në zonën “playoff” të kampionatit belg. Tani, Anderlecht kërkon të realizojë një nga përmbysjet më të mëdha në historinë e Europa League, megjithëse statistikat nuk janë premtuese: nga 136 skuadra që kanë humbur ndeshjen e parë me tre gola diferencë, vetëm njëra ka arritur të përmbysë rezultatin – Valencia në sezonin 2013-14 kundër Baselit (5-3 në total).
Në të njëjtën kohë, Anderlecht kërkon të shmangë një rekord negativ, pasi nuk ka humbur kurrë katër ndeshje radhazi në këtë kompeticion. Në tre humbjet e fundit, skuadra belge ka pësuar 9 gola dhe ka shënuar vetëm 3.
Fenerbahçe, një ecuri e frikshme nën drejtimin e Mourinhos
Fitorja e fundit e Fenerbahçe në çdo kompeticion daton më 11 dhjetor të vitit të kaluar dhe skuadra e Jose Mourinhos është aktualisht në një seri prej 14 ndeshjesh pa humbje, duke fituar pesë ndeshjet e fundit radhazi. Tre ditë pas triumfit 3-0 ndaj Anderlecht, “Kanarinat e Verdha” siguruan një fitore 3-1 kundër Kasimpasa në Superligën turke, duke mbajtur vendin e dytë dhe duke qenë ende gjashtë pikë pas kryesuesve të Galatasaray, me të cilët do të përballen të hënën e ardhshme.
Fenerbahçe kaloi në “playoff”-et e Europa League pasi përfundoi i 24-ti në renditjen e përgjithshme të fazës së grupeve, duke mos fituar asnjë nga tre ndeshjet e fundit. Megjithatë, tani është në një pozicion të favorshëm për t’u kualifikuar në 1/8 për herë të dytë në tre sezonet e fundit dhe vetëm për herë të katërt në 13 vitet e fundit. Mourinho dhe ekipi i tij synojnë të fitojnë të dyja ndeshjet e një faze me eliminim direkt në një kompeticion të madh evropian për herë të parë që nga sezoni 2006-07. Statistikat janë në favor të tyre, pasi në pesë përballjet e fundit kundër Anderlecht, ata kanë regjistruar katër fitore dhe një barazim.
Knockout Round Play-offs Europa League
18:45 AS Roma - FC Porto
18:45 Bodoe/Glimt - FC Twente
18:45 FCSB - PAOK FC
18:45 Galatasaray - AZ Alkmaar
21:00 Ajax - Union St.Gilloise
21:00 Anderlecht - Fenerbahce
21:00 Real Sociedad - FC Midtjylland
21:00 Viktoria Plzen - Ferencvaros
Knockout Round Play-offs Conference League
18:45 FC Heidenheim - FC Copenhagen
18:45 Olimpija Ljubljana - Borac Banja Luka
18:45 Pafos FC - Omonia Nicosia
18:45 Real Betis - Gent
21:00 APOEL Nicosia - NK Celje
21:00 Jagiellonia Bialystok - TSC Backa Topola
21:00 Panathinaikos - Vikingur Reykjavik
21:00 Shamrock Rovers - Molde
