Gjykata e Posaçme e Shkallës së Parë ka refuzuar një tjetër kërkesë të bashkëshortes së kryebashkiakut Veliaj, Ajola Xoxës, e cila kundërshtonte kontrollet e Byrosë Kombëtare të Hetimit (BKH) në një ambient në Sky Toëer, që mbrojtja e saj e konsideron si magazinë. Mes kërkesave të Xoxës ishte edhe ajo për kthimin e një celularit, e cila është rrëzuar edhe më parë nga gjykata.
Telefoni Xoxës u sekuestrua nga SPAK nga hetimet e dosjes "Veliaj", ku rezultonte se Xoxa ishte e përfshirë në skema abuzimesh me fondet publike. Prokuroria e Posaçme e akuzon Xoxën për “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.
Xoxa është lënë në masën e sigurisë "Detyrim Paraqitje". Fillimisht ndaj saj u vendos masa e sigurisë “Arrest në shtëpi”, ndërsa pas seancës së vlerësimit të masës, GJKKO vendosi “detyrim paraqitje”.
