Një konflikt mes dy vëllezërve, që ka degraduar në përdorimin e armëve të zjarrit ka alarmuar policinë në fshatin Goriçan të Beratit.
Policia sqaron se ka marrë një telefonatë që Leonard Tafa, 33-vjeç pas sherrit me të vëllanë ka marrë kallashnikovin dhe ka qëlluar disa herë në ajër, duke shkaktuar panik te familjarët dhe banorët e zonës. Forcat e policisë kanë shkuar në vendngjarje dhe kanë arrestuar 33-vjeçarin duke parandaluar kështu një ngjarje të mundshme kriminale.
Bëhet me dije se Tafa ka qënë në gjendje të dehur në momentin e konfliktit. 35-vjeçari është shoqëruar për veprime të mëtejshme proceduriale, ndërkohë policia sqaron se vijojnë kërkimet për gjetjen e armës.
