Tërmeti para konferencës për shtyp të Benfikës
Gjithçka ndodhi brenda pak çastesh, por për fat të mirë, Bruno Lage ende nuk ishte ulur në vendin e tij. Konferenca për shtyp ishte gati për të filluar, mungonte vetëm trajneri në mikrofon, kur papritur e gjithë salla filloi të dridhej për shkak të një tërmeti me magnitudë 4.7, epiqendra e të cilit ishte 14 kilometra larg Seixal-it, aty ku ndodhet qendra stërvitore e Benfikës. Afërsia me epiqendrën e tërmetit u ndje qartë dhe gazetarët u trembën kur ndien tokën që lëkundej nën këmbët e tyre. CNN Portugalia arriti të regjistronte momentin, pasi kishte vendosur tashmë kamerën për të kapur deklaratat e trajnerit. Fatmirësisht, tërmeti nuk pati pasoja dhe konferenca për shtyp u zhvillua sipas planit. Bruno Lage pati rastin të komentonte edhe mbi ndodhinë, duke nxjerrë një buzëqeshje te të pranishmit: “Po t’ju tregoja çfarë i thashë ndihmësit tim Lemos… Po ngjiteshim shkallëve kur dëgjuam një zhurmë. Thashë se duhej të rregullonim derën e xhamit përballë nesh. Vetëm pasi arrita këtu kuptova se çfarë kishte ndodhur në të vërtetë.”Sismo de magnitude 4,7 teve o seu epicentro a 14 quilómetros do Seixal e foi sentido na sala de imprensa do Benfica. Bruno Lage conta como o viveu. #benfica #sismo #tremordeterra pic.twitter.com/6y0lrr7o5q
— maisfutebol (@maisfutebol) February 17, 2025
