Dy persona janë arrestuar në Lezhë si autorë të 6 vjedhjeve në banesa dhe dyqane. Në pranga kanë rënë Sokol Pali, 52 vjeç dhe Marjan Kelaj, 51 vjeç
Ata dyshohet se kanë vjedhur me thyerje, shuma parash, pajisje pune dhe produkte të ndryshme, në 2 dyqane në fshatin Blinisht dhe në 1 servis në fshatin Dajç. Nga veprimet e mëtejshme hetimore, janë zbardhur 6 raste të vjedhjes në banesa, të kryera më parë nga këta shtetas.
Gjatë kontrolleve në banesat e tyre, shërbimet e Policisë kanë gjetur dhe sekuestruar në cilësinë e provës materiale, sende të dyshuara të përdorura për kryerjen e vjedhjeve dhe sende të dyshuara të vjedhura. Ata akuzohen për për veprën penale “Vjedhja”, kryer në bashkëpunim, në mënyrë të përsëritur.
