Komisioni Qendror i Zgjedhjeve në Kosovë është rikthyer të publikojë rezultatet zyrtare që vijnë nga qendrat e numërimit të votave të zgjedhjeve të kësaj të diele pas problemeve që e shoqëruan gjatë gjithë mbrëmjes.
Tashmë sipas KQZ janë numëruar 73.04% e votave dhe sipas këtyre rezultateve, Lëvizja Vetëvendosje në pushtet prin me 41.99% të votave.
Në vend të dytë vjen Partia Demokratike e Kosovës me 22.68% të votave.
Të tretët renditen Lidhja Demokratike e Kosovës me 17.9% të votave.
Koalicioni AAK dhe NISMA kanë 7.56% të votave.
Ky është rezultati i 1850 kutive nga 2533 që janë gjithsej. Ka ende shumë vota për t’u numëruar pasi këto rezultate nuk përfshijnë nuk përfshijnë votat me kusht, votat e personave me nevoja të veçanta dhe votat nga jashtë Kosovës.
Komisioni Qendror i Zgjedhjeve të Kosovës njoftoi se pjesëmarrja në zgjedhje ka qenë 40.04%. Nga 1 970 944 shtetas me të drejtë vote kanë votuar 789 172 persona. /LAPSI.al
