Ajola Xoxa ka mbërritur mbrëmjen e sotme në Rinas. Ajo është pritur nga oficerët e policisë që do t'i komunikojnë vendimin e Gjykatës së Posacme, e cila e vendosi në "arrest shtëpie".
Xoxa akuzohet nga SPAK për ‘korrupsion dhe shpërdorim të fondeve publike’.
Sipas SPAK faktet dhe provat e grumbulluara, krijojnë dyshimin e arsyeshëm se në rastin konkret bëhet fjalë për një sistem të organizuar korrupsioni dhe shpërdorimi të fondeve publike, të shtrirë në kohë, sipas një skeme të vënë në funksionim nga kryetari i bashkisë Tiranë dhe bashkëshortja e këtij të fundit.
