Grenell sulmon Zërin e Amerikës, e quan "relike e së shkuarës"

Ish-i dërguari special i presidentit Donald Trump për dialogun Kosovë-Serbi, Richard Grenell, ka sulmuar mediat Radio Evropa e Lirë dhe Zëri i Amerikës, që financohen nga taksapaguesit amerikanë, por që sipas Grenell janë të mbushura me aktivistë të ekstremit të majtë dhe duhet të reformohen. Në një postim në X, Grenell argumentoi se këto media, të cilat i quajti “media shtetërore”, nuk janë të nevojshme në një epokë kur informacioni është më i aksesueshëm se kurrë dhe kur shumë platforma të tjera që ofrojnë lajme të paanshme dhe të pavarura. “Ne nuk kemi nevojë për media të paguara nga qeveria”, u shpreh Grenell, duke u shprehur kritik ndaj ndikimit që media të tilla mund të kenë në përhapjen e ideologjive të majta. Ai e theksoi se ka pasur një periudhë të gjatë bashkëpunimi me gazetarët e këtyre mediave, duke i konsideruar ato si një “relike të së shkuarës”.

Radio Free Europe and Voice of America are media outlets paid for by the American taxpayers.

It is state-owned media. These outlets are filled with far left activists. I’ve worked with these reporters for decades. It’s a relic of the past. We don’t need government paid… — Richard Grenell (@RichardGrenell) February 9, 2025

Radio Evropa e Lirë dhe Zëri i Amerikës, të cilat operojnë me fonde të shtetit amerikan, shpesh kanë qenë objekt i kritikave nga të gjitha anët e spektrit politik. Pavarësisht se ato ndjekin një linjë editoriale të pavarur, ato kanë qenë shpesh nën presion për të ruajtur një balancë mes objektivitetit dhe pasqyrimit të interesave të politikës amerikane, veçanërisht në rajone ku liria e shtypit është e kufizuar. Një debat i nxehtë vazhdon për të gjetur balancën mes ofrimit të informacionit të paanshëm dhe përdorimit të fondeve publike për mbështetje të mediave të tilla. Përkrahësit e këtyre mediave thonë se ato luajnë një rol të rëndësishëm në promovimin e lirisë së shtypit dhe mbështetje për ata që jetojnë nën regjime autoritare, ku liria e fjalës është e kufizuar. Aktualisht Richard Grenell mban postin e të dërguarit special për misione të veçanta. Disa ditë më parë ai u takua me presidentin e Venezuelës, Maduro për një marrëveshje për pranin e emigrantëve dhe dorëzimin e 6 amerikanëve që mbaheshin peng.