Ka përfunduar procesi i votimit për qytetarët e Kosovës që jetojnë në Europë. Sipas informacioneve të publikuara nga Komisioni Qendror Zgjedhor në Kosovë, mbi 14 mijë qytetarë në 19 shtete të botës kanë hedhur votën e tyre në ambasada dhe konsullata. Ndërkohë mbi 20 mijë qytetarë në diasporë ishin regjistruar për të votuar. Për zgjedhjet parlamentare të 9 shkurtit, të drejtë vote brenda dhe jashtë Kosovës kanë mbi 2 milionë votues.
Të dielën e 9 shkurtit, qytetarët e Kosovës do t’i drejtohen kutive të votimit, për të zgjedhur parlamentin e ri. Në garë për përbërjen e re parlamentare janë 28 subjekte politike me 1280 kandidatë të certifikuar nga KQZ.
