Një vajzë 6-vjeçare, e cila mbërriti vetëm në shkollë në Piedimonte San Germano, në zonën e Frosinone në Itali, u tha mësuesve të saj se "erdhi vetëm pasi nëna e saj u rrëzua dhe nuk mund të ngrihej më”.
Mësuesit të alarmuar telefonuan më pas shtëpinë e vajzës së vogël. Meqenëse askush nuk u përgjigj, ata njoftuan babanë. Burri, i cili ishte në punë nxitoi në shtëpi dhe gjeti gruan e tij të vdekur në dysheme.
Mjekët e urgjencës shkuan menjëherë pas telefonatës së burrit, por ata konfirmuan se ishte një vdekje natyrale. Dyshohet se ajo mund të ketë pësuar një sëmundje të papritur. Sipas hetimeve fillestare, 41-vjeçarja mund të ketë pësuar fillimisht humbjen e ekuilibrit, duke bërë që të rrëzohet keq.
Hetuesit po kryejnë të gjitha kontrollet e nevojshme për zbardhjen e saktë të dinamikës së tragjedisë, ndërkohë që komuniteti vendas po mblidhet rreth familjes së goditur nga kjo humbje e papritur dhe rrënuese. ©LAPSI.al
