Detaje te reja kanë dalë për vdekjen e Romario Brungës, i cili u gjet i pa jetë mbrëmjen e djeshme në automjetin e tij në Balldren.
Burimet bëjnë me dije se 25 vjeçari kishte marrë një plumb në ballë e po ashtu ka pasur mbetje plumbi në dorë. Plumbi ishte në pozicion që nuk mund te shtinte pasagjeri.
Mësohet se 25-vjeçari ka telefonuar shokun e ngushtë dhe i ka thënë “kam një problem shumë të madh”.
Ai ka telefonuar sërish, por nuk ia ka hapur më celularin. Më pas shoku e ka telefonuar, por i riu nuk është përgjigjur thirrjes.
Nga disa kamera sigurie i riu është parë para ngjarjes i vetëm e po ashtu gjetja e pistoletës në makinë ka shtuar më tepër dyshimet e policisë që mund të jete vetëvrasje.
Po ashtu familjaret nuk kanë deklaruar që i riu mund të ketë patur ndonjë problem apo ka shfaqur shenja depresioni. I riu punonte si kamerier në zonën e Balldrenit.
