“Ç’dreqin bën?” Modric qorton Vinicius: dy yjet e Real Madrid përplasen në fushë

Luka Modric qortoi Vinicius për angazhimin e tij të dobët në fazën mbrojtëse, duke shkaktuar një përplasje të ashpër mes dy yjeve të Real Madrid gjatë fitores 3-2 ndaj Leganés në Copa del Rey. Pesë minuta para përfundimit të kohës së rregullt, skuadra e teknikut Carlo Ancelotti ishte në vështirësi pasi vendasit kishin rikuperuar dy gola. Në atë moment, dy nga lojtarët më të rëndësishëm të “Los Blancos” u përfshinë në një debat në mes të fushës: Modric kërkoi nga Vinicius që të ndihmonte më shumë në mbrojtje, por braziliani nuk e priti mirë kritikën dhe iu përgjigj menjëherë. Përballja mes tyre u pa nga gjithë stadiumi dhe u bë virale në rrjetet sociale.

Modric le echa la bronca a Vinicius por no bajar a defender y Vinicius todavía le rechista, que chulería lleva encima. pic.twitter.com/ExVHhr7AEf

— ??????? ??????19 (@LamineeYamaal19) February 5, 2025

Modric qorton Vinicius: përplasje e fortë në fushë

Pas një aksioni që përfundoi me goditje nga këndi për Leganés, Modric iu drejtua Vinicius, i cili nuk ishte kthyer për të ndihmuar mbrojtjen. Kroati i bëri një vërejtje të ashpër dhe e nxiti të angazhohej më shumë, por sulmuesi brazilian iu kundërpërgjigj. Kjo nuk i pëlqeu aspak kroatit, i cili reagoi me zemërim duke iu afruar numrit 7 me një qëndrim edhe më të ashpër. Ndërhyrja e Vinicius nuk u prit mirë as nga Valverde, i cili iu bashkua pakënaqësisë së Modric dhe e mbështeti mesfushorin kroat. Modric nuk e fshehu pakënaqësinë e tij, ndërsa Vinicius, pasi pa që edhe Valverde po i bënte presion, më në fund u tërhoq dhe u kthye për të ndihmuar mbrojtjen. Pas ndeshjes, Carlo Ancelotti e qartësoi situatën: “Nëse flet Modric, duhet ta respektojmë.”

? MODRIC EXPLICA su ENFADO con VINICIUS: ?‍♂️ "Son cosas de fútbol, veis todo lo que no tenéis que ver...". ? @MarcosdVicente pic.twitter.com/R2FufgpPZK

— El Chiringuito TV (@elchiringuitotv) February 5, 2025

Një demonstrim i qartë i lidershipit dhe hierarkisë nga ana e Modric: pak lojtarë në dhomat e zhveshjes mund t’i flasin në atë mënyrë Vinicius në publik. Kjo situatë nuk i pëlqeu brazilianit, i cili, pas golit të fitores nga Gonzalo, u largua menjëherë nga fusha dhe shkoi drejt dhomave të zhveshjes. Pas ndeshjes, Modric u përpoq të minimizonte situatën: “Si janë gjërat me Vini? Janë gjëra futbolli djalosh, ke parë diçka që s’duhej të shihje.” Ndoshta kroati ka të drejtë, por Vinicius nuk mendon njësoj.