Arbitri anësor Martin gjakoset nga një tub në kokë: pezullohet ndeshja në Argjentinë

Pamje tepër të dhunshme vijnë nga Argjentina: një ndeshje e elitës së futbollit u pezullua pasi një gjyqtar anësor u sulmua dhe u godit në ballë nga një tub që u hodh nga tribuna pas shpinës së tij. Po luhej sfida mes Godoy Cruz dhe Talleres de Córdoba, e vlefshme për javën e tretë të Torneo Apertura argjentinas, kur, pak para nisjes së pjesës së dytë, një shkop plastike – pjesë e një flamuri të tifozëve – u hodh nga tribuna dhe goditi në kokë asistentin Diego Martin. Si pasojë, ai pësoi një të çarë të thellë në ballë dhe filloi të humbiste shumë gjak. Në atë moment, ndeshja u ndërpre dhe më pas u pezullua përfundimisht.

Arbitri anësor Martin plagoset në ballë nga një shkop flamuri

Duke vlerësuar situatën dhe duke parë që kushtet ishin jashtëzakonisht të vështira, arbitri kryesor Yael Falcón Pérez – pas 10 minutash paqartësi – vendosi pezullimin e ndeshjes që po zhvillohej në stadiumin Victor Antonio Legrotaglie në Mendoza. Në atë moment, rezultati ishte 0-0. Në një intervistë për mediat, ai shpjegoi arsyet e vendimit të tij, duke theksuar se siguria e të pranishmëve nuk ishte e garantuar: “Nuk ka mundësi që ndeshja të vazhdojë. Nuk do të lejojmë që dikush të dëmtohet. Nëse vazhdojmë të luajmë, do të ndodhin gjëra të tjera. E di që nuk është faji i lojtarëve, por është faji i disa njerëzve të pacivilizuar.” Vetë arbitri u trondit kur pa asistentin e tij të vinte drejt qendrës së fushës duke mbajtur fytyrën dhe me ballin e mbuluar në gjak. Ndeshja kishte qenë tepër e tensionuar që në pjesën e parë, pasi Godoy Cruz kishte një gol të anuluar nga VAR-i për një pozicion jashtë loje, që sipas tifozëve nuk ishte i qartë. “E pezulloj sepse nuk është një dëmtim i zakonshëm, por një agresion,” – shpjegoi arbitri. “Nuk ka asnjë mundësi që të vazhdojmë. Nuk mund të rrezikojmë shëndetin tonë në një ngjarje sportive. Jemi në vitin 2025, gjëra të tilla nuk duhet të ndodhin më”.

❌️? SUSPENDIDO el partido entre Godoy Cruz y Talleres (Cba) por agresión al árbitro asistente Diego Martín. ?️ Falcón Pérez: "No puede seguirse porque es una agresión, no una lesión. Sino actuamos esto va a seguir pasando." pic.twitter.com/FVJ5MSDaSI

— @futbol.news.ok (@futbol_news_ok) February 4, 2025

Presidenti i Godoy Cruz: “Një incident i izoluar”

Presidenti i Godoy Cruz, Alejandro Chapini, shprehu mbështetjen e tij për arbitrat: “Jemi solidarë me gjyqtarët. Po i shoqërojmë të katër arbitrat dhe po e dërgojmë asistentin në spital. Ai është mirë, mjeku ynë e ka vizituar. Do të marrim masa për atë që ndodhi.” Ai shtoi se incidenti nuk ishte përgjegjësi e klubit dhe as e policisë: “Një person nxori një shkop plastike nga një flamur dhe goditi arbitrin në anën e majtë të ballit. Nëse është një abonent i klubit, do të sanksionohet”. Megjithatë, Chapini mohoi se incidenti kishte ndodhur për shkak të një përplasjeje mes tifozëve dhe e quajti atë një rast të veçuar: “Dikush mendoi të marrë drejtësinë në dorë. Tifozët qëndruan aty derisa arbitri mori vendimin e duhur për ta pezulluar ndeshjen”. Ai pranoi se klubi mund të përballet me ndëshkime, por shpreson që të mos humbasin pikë për shkak të këtij incidenti: “Kjo është një situatë e vështirë për ne, por gjëja më e rëndësishme është shëndeti i arbitrit”.

TRASLADARON AL HOSPITAL AL ASISTENTE AGREDIDO ?

?? Diego Martín, juez de línea que recibió un proyectil en su frente en el duelo entre Godoy Cruz y Talleres, se fue del estadio en ambulancia para realizarse los chequeos médicos en un hospital pic.twitter.com/LJAqXknz1k

— Diario Olé (@DiarioOle) February 5, 2025

Pas agresionit, gjyqtari anësor Diego Martin u dërgua për kontroll mjekësor në një klinikë në qendër të qytetit Mendoza. Tani, arbitri kryesor do të hartojë një raport për Komisionin Disiplinor të Federatës Argjentinase të Futbollit, i cili do të vendosë si do të procedohet më tej, kur (dhe nëse) do të luhen minutat e mbetura të ndeshjes dhe çfarë sanksionesh do të marrë Godoy Cruz.