10 vite më parë, u krijua Agjencia Kombëtare e Zonave të Mbrojtura. Teksa ka publikuar në rrjetin social “Facebook”, një video piktoreske, kryeministri Edi Rama, shkruan se ky institucion na bën krenarë për punën që bën çdo ditë së bashku me stafet e 12 administratave rajonale që kujdesen për paraqet kombëtare, natyrore, monumentet e natyrës, peizazhet, biodiversitetin duke promovuar vlerat tona natyrore e orientuar kah zhvillimit të qëndrueshëm me vëmendjen tek komunitetet lokale. Ndërkohë vitin e shkuar mazhoranca ndryshoi ligjin për Zonat e Mbrojtura për t'i hapur rrugën ndërtimeve. Për këtë ndryshim pati reagime të ashpra nga organizatat e shoqërisë civile, opozita, por dhe organizma ndërkombëtarë.
