Një plagosje me thikë ka ndodhur mbrëmjen e sotme në qendër të qytetit të Korçës. I plagosur ka mbetur 40-vjeçari, Ergyst Shtylla. Ai është dërguar me urgjencë në spital, dhe ku mësohet është futur në reanimacion.
Arsyet e plagosjes ende nuk dihen, ndërsa autori është në kërkim dhe identiteti i tij nuk dihet ende. Grupi hetimor ndodhet në vendngjarje dhe po punon për sqarimin e rrethanave të ngjarjes.
Sipas mediave, mësohet se të plagosurin e kanë çuar në spital me një automjet privat dhe se nuk ka gjurmë pranë vendit ku thuhet se ka ndodhur ngjarja. Hetuesit janë duke këqyrur kamerat e sigurisë që ndodhen në lokalet pranë vendit ku thuhet se ka ndodhur plagosja. Pritet përmirësimi i gjendjes së të plagosurit për t’u marrë në pyetje dhe për të zbardhur rrethanat e ngjarjes.
"Rreth orës 20:15, shtetasi E. Sh. 40 vjeç, ka shkuar në spital për ndihmë mjekësore, dyshohet i dëmtuar me mjet prerës, thikë nga një shtetas ende i paidentifikuar. Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit.
Një plagosje me thikë është regjistruar mbrëmjen e sotme në qendër të qytetit të Korçës. Mësohet se nga ngjarja ka mbetur i plagosur një person. Ai është dërguar me urgjencë në spital. Mësohet se i plagosuri është në reanimacion. Policia në kërkim të autorit. Ende nuk dihen shkaqet që sollën plagosjen e personit" - thuhet në njoftimin e policisë. ©LAPSI.al
