Policia ka finalizuar operacionin e koduar “Weekend”, duke arrestuar në flagrancë një 25-vjeçar me precedent penal për armëmbajtje pa leje, i cili lëvizte me armë zjarri pistoletë me silenciator në automjet. U vu në pranga dhe pasagjeti i automjetit me të cilin lëvizte 25-vjeçari.
Gjatë operacionit të zhvilluar në Laknas, u ndalua automjeti ku ndodheshin Sandriano Kastrati, 25 vjeç, drejtuesi i mjetit dhe Olsjan Musollari, 21 vjeç, pasagjeri.
Gjatë kontrollit, policia gjeti dhe sekuestroi një pistoletë me silenciator, municion luftarak, automjetin dhe tre celularë. Policia shprehet se arma silenciator ishte fshehur poshtë sediljes së shoferit.
Në përfundim të hetimeve paraprake, Sandriano Kastrati u arrestua për "Prodhim dhe mbajtje pa leje të armëve dhe municionit luftarak", ndërsa Olsjan Musollari për "Moskallëzim krimi". Materialet procedurale i kaluan Prokurorisë për veprime të mëtejshme.
