Refuzohen kërkesat për azil të 43 emigrantëve që mbërritën në Shqipëri me përjashtim të njërit prej tyre. Lajmin e bën të ditur media italiane, Ansa e cila shkuan se emigrantët janë dëgjuar gjatë ditës së djeshme, por 43 prej tyre nuk përmbushin kërkesat e duhura për të marrë statusin e azilantit.
Megjithatë ata kanë 7 ditë kohë për të apeluar kundër refuzimit të kërkesës së tyre. Ndërkohë pritet që ditën e premte të jepet vendimi mbi konvalidimin apo jo të qëndrimit të tyre në kampin e Gjadrit.
Sipas delegacionit TAI, Tryeza e Azilit dhe Emigracionit, të gjitha kërkesat për azill janë të pabazuara, përvec njërës prej tyre, që do të ridëgjohet në procedurë të veçantë. Ky delegacion, sipas mediave italiane, është në ditën e tretë të monitorimit të qendrave italo-shqiptare.
Kujtojmë se dy ditë më parë në Shqipëri mbërriti grupi i tretë i emigrantëve. Nga 49 emigrantë, 5 prej tyre u rikthyen sërish në Itali.
