Lautaro e rituali i tij maniakal: filmohet nga bashkëshortja, gjithnjë e njëjta skenë

Me trigolëshin e tij, Lautaro Martinez e udhëhoqi Inter drejt 1/8 të finales në Champions League në mënyrën më dominuese, duke mposhtur Monaco në San Siro dhe duke marrë çmimin e MVP të ndeshjes. Një paraqitje që shënoi rikthimin e kapitenit zikaltër pas “periudhës më të keqe në karrierë”, siç e kishte pranuar vetë ai për fazën e parë të sezonit. Tani, me 9 gola në 9 ndeshjet e fundit, prej të cilëve 6 në 5 takimet e fundit, “Toro” ka rilindur dhe ka shtuar në koleksionin e tij të trofeve personale edhe çmimet e marra të mërkurën në mbrëmje. Gjithçka u dokumentua nga Agustina Gandolfo, bashkëshortja e Lautaro, e cila e filmoi me humor teksa ishte i zënë duke sistemuar trofetë e tij në shtëpi.

Rituali pas fitores në Champions ndaj Monaco

Pas golave kundër Monacos në Champions League, përshëndetjes me tifozët për të festuar kualifikimin, intervistave të zakonshme pas ndeshjes dhe marrjes së çmimeve, Lautaro Martinez nuk e harroi ritualin e tij të zakonshëm: pa humbur kohë, shtoi çmimet e reja pranë atyre që tashmë zbukurojnë dhomën e tij të ndenjes. Agus Gandolfo e filmoi në befasi dhe e ndau momentin në rrjetet sociale, duke treguar sesi Lautaro i linte vend çmimit të MVP-së për Inter-Monaco dhe topit të ndeshjes që mori në shtëpi pas tripletës. “Ai gjithmonë gjen diçka për të sistemuar”, shkroi ajo me shaka.

Rituali i Lautaros me trofetë është maniakal

Një Lautaro maniakal, po aq i saktë sa edhe në zonën e rreptësisë: shijon trofetë, i zhvendos, i rregullon dhe u lë vendin çmimeve të reja. Kur bashkëshortja e thërret, ai kthen kokën me një buzëqeshje të kënaqur. Ky ves i tij nuk është i rastësishëm, ndoshta është mënyra e tij për të kujtuar momentet më të mira të karrierës dhe për të motivuar veten për më shumë. Një ritual që e përsërit sa herë që ka mundësi, si për të kujtuar veten se përkushtimi dhe këmbëngulja janë çelësat e suksesit të tij.

PORTALA A CASA CAPITANO ⚽#ForzaInter #InterMonaco #UCL pic.twitter.com/IyaC7QAqPc

— Inter ⭐⭐ (@Inter) January 29, 2025

Lautaro altruizmin: “Jam krenar për shokët e skuadrës”

Periudha e vështirë tani është pas tij: nga tetori deri në dhjetor, Lautaro nuk kishte shënuar për gati dy muaj, duke e cilësuar atë si fazën më të keqe në karrierë. Megjithatë, ai nuk e braktisi kurrë skuadrën, duke mbajtur dhe respektuar shiritin e kapitenit. Me të njëjtin shpirt ai vlerësoi edhe shokët e skuadrës pas spektaklit të tij në Champions: “Zbritëm në fushë me mentalitetin e duhur: shënuam dy gola për 16 minuta dhe përfituam nga kartoni i kuq i tyre. Ishte meritë e gjithë skuadrës. Jam i lumtur dhe krenar për rrugëtimin që kemi bërë”.