Policia e Tiranës njofton se rreth orës 20:30 të kesaj te enjteje është paraqitur në spitalin e Traumës një i mitur 15 vjeç, i cili dyshohet se është dëmtuar me armë zjarri, në rrethana ende të paqarta, në Fushë-Mëzez.
"I mituri ndodhet nën kujdesin e mjekëve. Shërbimet e Policisë sëbashku me grupin hetimor po punojnë për sqarimin e rrethanave dhe dokumentimin ligjor të rastit" - thuhet ne njoftim.
Mësohet se i mituri ka shkuar në shtëpi me plagë dhe më pas është dërguar në spital nga babai i tij. Ai ka refuzuar të tregojë se ku ka ndodhur incidenti, duke e bërë hetimin edhe më të vështirë për forcat e policisë.
Grupet hetimore janë angazhuar për të mbledhur prova dhe për të intervistuar dëshmitarët e mundshëm. /LAPSI.al
