Shumë njerëz e lidhin nikotinën me rreziqet e duhanpirjes, edhe pse dëmi i vërtetë i cigareve vjen nga katrani dhe substanca të tjera toksike që gjenden në tymin e duhanit. Në disa raste, autoritetet përgjegjëse e nxisin narrativën për dëmet e nikotinës me qëllim parandalimin e efekteve të varësisë që ajo shkakton. Së fundmi, Shtetet e Bashkuara të Amerikës prezantuan një propozim për të reduktuar nivelet e nikotinës në cigare. Ndërkohë, ekspertët e reduktimit të dëmit vazhdojnë të theksojnë se vëmendja nuk duhet të jetë tek nikotina, pasi ajo nuk është shkaku i sëmundjeve kryesore të lidhura me duhanin.
Për më tepër, qeveritë dhe organizatat shëndetësore, duke përfshirë OBSH-në, e njohin përdorimin e sigurt të nikotinës si një mjet për të lënë duhanin, nëpërmjet përdorimit të NRT, i cili përfshin produkte si qeskat e nikotinës, produktet me ngrohje, tabletat etj. NRT e njohur si terapia e zëvëndësimit të nikotinës ndihmon në lënien e duhanit nëpërmet produkteve me nikotinë që përmbajnë doza të ulëta, të kontrolluara për të evituar efektin tërheqës të saj.
Potenciali terapeutik i nikotinës
Studimet mbi sëmundje si Parkinsoni dhe Alzheimeri dëshmojnë se nikotina ngadalëson shfaqjen dhe pengon zhvillimin e këtyre sëmundjeve. Këto studime mbështeten dhe nga mjek, si rasti i Dr. Michael Kariuk, pediatër dhe epidemolog, i i cili prezantoi një perspektivë mjekësore mbi përdorimin e nikotinës dhe reduktimin e dëmit pergjatë Forumit Global të Nikotinës në Varshavë. Kariuki duke diskutuar aplikimet terapeutike të nikotinës, theksoi përfitimet e shëndetit publik nëse shtetet përqafojnë alternativa më të sigurta të nikotinës. Kjo si një strategji që mund të shpëtojë jetë dhe të përmirësojë shëndetin publik.
Për më tepër rezulton se nikotina rrit përqendrimin, kujtesën dhe përmirëson funksionet konjitive. Ndër përfitimet e tjera të mundshme të nikotinës është dhe menaxhimi i sindromës ADHD dhe Tourette.
Sindroma ADHD lidhet me mungesën e vëmendjes dhe hiperaktivitetin te individët ndërsa Tourette është një çrregullim nervor që i bën njerëzit të bëjnë levizje apo të lëshojnë tinguj në mënyrë të pavullnetshme, të njohura si tike. Individët me ADHD kanë 40-80% më shumë gjasa të pinë duhan sesa të tjerët, si një formë vetë-mjekimi. Ndaj është e rëndësishme që të konsiderojmë zgjidhjet alternative për të evituar efektet negative të duhanit.
Ekspertët, një perceptim ndryshe mbi nikotinën
Një perceptim ndryshe mbi nikotinën u prezantua gjithashtu përgjate Forumit Global të Nikotinës, ku u diskutuan keqkuptimet rreth nikotinës dhe përfitimet e mundshme.
Dr. Paul Newhouse, mjek psikiatër shpjegoi se nikotina funksionon si një stimulues, duke aktivizuar receptorët e trurit që rregullojnë humorin. Dr. Carolyn Beaumont, një mjeke e përgjithshme dhe lektore e trajtoi perceptimin e zakonshëm të nikotinës si shumë problematik, pa anashkaluar faktin që pirja e duhanit është dëmshme. Dr. Beaumont thekson se termi ‘varësi’ mbart konotacione negative për shkak të varësisë që duhanpirësit krijojnë nga cigarja, prandaj njerëzit nuk i njohin efektet e tjera pozitive të saj.
Dr. Garrett McGovern, mjek i përgjithshëm i specializuar në fushën e varësisë, i bëri jehonë kësaj qasje duke treguar përvojën e tij klinike mbi nikotinën, e cila nuk ka shkaktuar dëme dhe në disa raste ka sjelle dhe përfitime për pacientët. Ai kritikoi pretendimet se nikotina ndikon negativisht në zhvillimin e trurit të adoleshentëve, duke vënë në dukje se këto argumente janë kryesisht të bazuara në studimet e kafshëve dhe jo në prova të forta njerëzore.
Ndërsa Dr. Alex Wodak, ish-mjek dhe ish-president i Fondacionit Australian të Reformës së Ligjit për Drogërat, iu referua deklaratës së famshme të Michael Russell, "Njerëzit pinë duhan për nikotinën, por vdesin nga katrani".
Sipas Wodak, kjo tregon se duhanpirësit nuk po vdesin nga nikotina, por nga rezistenca ndaj strategjive të reduktimit të dëmit.
Stigma mbi nikotinën
Pavarësisht të gjitha gjetjeve premtuese mbi nikotinën, Dr. Konstantinos Farsalinos, mjek kardiovaskular dhe studiues në Universitetin e Patrës, theksoi sfidat me të cilat përballen shkencëtarët në hulumtimet mbi këtë temë. Ai vuri në dukje se stigma rreth nikotinës dekurajon kërkimet e mëtejshme, veçanërisht në aplikimet mjekësore. Kur u pyet sesi ky perceptim mund të ndryshojë, Dr. Farsalinos theksoi se studiuesit në fusha të tjera, që nuk lidhen me duhanin duhet të jenë më të hapur për të eksploruar potencialin terapeutik të nikotinës. Megjjithatë, ai mbetet skeptik në përdorimin e nikotinës si zgjidhje mjekësore në të ardhmen e afërt.
Këto diskutime nënvizojnë nevojën për një qasje më të hapur ndaj nikotinës, për të kuptuar dhe njohur aplikimet e saj të mundshme në fushën e mjekësisë. Ndërsa për të ulur numrin e duhanpirësve, fokusi duhet të jetë në përdorimin e terapisë së nikotinës, duke zgjedhur produkte alternative pa djegie të cilat janë më pak të dëmshme.
