Gjykata e Korçës ka vendosur ditën e sotme masën e "arrestit në burg" për 45-vjeçarin Aleks Ago. 45-vjeçari u vendos në pranga pasi dyshohet se ka ngacmuar seksualisht një 15-vjeçar nga një fshat i Devollit.
Gjatë seancës gjyqësore, Ago ka thënë se nuk e ka ngacmuar, por sipas tij ka dashur ta ndihmojë, për shkak se babai i djalit ka ndërruar jetë 5 vite me parë. 45-vjeçari ka thënë se kanë njohje të largëta familjare dhe duke i ditur problemin, është munduar ti afrohet për ta ndihmuar qoftë me lek apo ushqime.
Ndërkohë i mitur cili dy ditë më parë së bashku me nënën e tij ka denoncuar ngacmimin në komisariatin e Devollit 45 vjeçarin duke thënë se ai e ka prekur në disa pjesë të trupit. Sipas 15- vjeçarit ky ka qenë rasti i 3-të i tentativës së Aleks Agos për ta tërhequr pas vetes duke i ofruar lek.
