Prokuroria e Posaçme vijon marrjen në pyetje për hetimet mbi dosjen e 21 janarit teksa bëhet me dije se paraditen e sotme në SPAK janë paraqitur dy vëllezërit e Hekuran Dedës, një prej protestuesve që u vra në bulevardin "Dëshmorët e Kombit". Zabit dhe Agim Deda do të merren në pyetje nga prokurorët e posaçëm për ngjarjen.
Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika. Kryeministri i kohës, Sali Berisha deklaroi se opozita kishte përgatitur një "grusht shteti" për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm.
