Policia e Kosovës dha detaje mbi një aksident të rëndë të ndodhur rreth orës 18.40 të mbrëmjes së kësaj të diele në rrugën rajonale Mitrovicë - Pejë, në afërsi të fshatit Çubrel të Skenderajt. Nga të dhënat paraprake mësohet se nga përplasja e dy makinave kanë humbur jetën 3 persona ndërsa janë plagosur 5 të tjerë.
Në njoftimin zyrtar konfirmohet njëra nga makinat e përfshira në aksident i përket policisë. Personat që kanë humbur jetën janë civilë ndërsa 4 nga të plagosurit janë punonjës policie.
“Njësitë policore dhe stafi menaxhues kanë dalë në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor. Lidhur me rastin janë njoftuar institucionet kompetente, IPK-ja dhe Prokurori kompetent të cilët pritet të dalin në vendin e ngjarjes” – thuhet në njoftimin e policisë. ©LAPSI.al
