Kreu i PD-së Sali Berisha ka dhënë më tepër detaje rreth vizitës së tij në Gjermani. Në një intervistë dhënë për News 24 ai u shpreh se do të shkojë atje për të takuar aktivistët dhe militantët për regjistrimet në zgjedhje.
"Kam një ftesë për të marrë pjesë në një aktivitet, shkoj për të takuar aktivistët dhe militantët tanë në lidhje me regjistrimet. Pra, janë një seri aktivitetesh" - tha Berisha.
Berisha deklaroi se vizita në Gjermani nuk shënjon ndonjë gjë ndryshe në raport me SPAK që e lejoi të mos paraqitet në këtë datë në Prokurorinë e Posaçme.
"Nuk shënjon sepse nuk ka asnjë motiv që unë të ndalohem të shkoj jashtë, se kjo do të ishte pastaj kufizim i lëvizjes jashtë. Jam gati të shkoj dy ditë rresht pas kësaj dite për konferencë. Nuk përtoj. Kam një aktivitet mediatik të hatashëm atje" - tha Berisha.
Berisha nuk do të paraqitet në SPAK më 3 shkurt, pasi GJKKO ka miratuar kërkesën e paraqitur nga avokatët e kreut demokrat për të mos u paraqitur. GJKKO ka vendosur për kreun demokrat masën e sigurisë “detyrim paraqitje” për privatizimin e kompleksit Partizani, çështje ku u hetua edhe dhëndri i tij, Jamarbër Malltezi. ©LAPSI.al
