Një 48-vjeçar është gjetur në Zall Mner brenda një automjeti, mëngjesin e sotëm. Policia dyshon se viktima Lulzim Visha është vrarë me armë zjarri.
48-vjeçari nga Kamza është qëlluar në rrethana ende të paqarta.
“Më datë 24.01.2025, rreth orës 07:40, në rrugën “Shën Stefani”, në Zall Mner, është konstatuar pa shenja jete, brenda një automjeti, shtetasi L. V., 48 vjeç, banues në Kamëz, i dyshuar i vrarë me armë zjarri.
Shërbimet e Policisë ndodhen në vendngjarje. Ndërkohë grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve”, informuan policia e Tiranës.