Ndërsa shtoi se armëpushimi në Gaza ishte e gjitha meritë e tij.
“Shumica e vendeve as që paguanin, derisa erdha unë president. Edhe armëpushimi në Gaza është meritë e imja”, tha Trump.
I pyetur nëse nën udhëheqjen e tij SHBA do të garantonte furnizimin me gaz në Evropë, Trump u përgjigj “po”. “Ne do të bënim absolutisht një marrëveshje energjetike me Evropën dhe do ta miratonim atë.”
Ai thekson rëndësinë e dërgesave të LNG (gazit natyror të lëngshëm) të Amerikës në BE. Amerika është tashmë një furnizues kryesor i LNG-së për BE-në 27-anëtare dhe roli i saj pritet të rritet edhe më tej.
Presidenti amerikan ndër të tjera tha se administrata e tij trashëgoi “politikat e dështuara” dhe “kaosin ekonomik” dhe kritikoi shpenzimet e deficitit, rregulloret dhe “tatimet e fshehura”. Ai tha se çmimet arritën kulme dhe Biden “ka humbur kontrollin” e ekonomisë. Ai deklaroi se po ndërmerr veprime për të ndryshuar këtë dhe politikat “e të majtës radikale”.
