Irlanda po kërcënohet nga stuhia më e rrezikshme që prej Stuhisë Ophelia në 2017, kur humbën jetën tre persona.
Për herë të parë që nga ajo kohë, e gjithë Irlanda është nën paralajmërim të kuq për mot të rëndë dhe ka nisur përgatitjet për të shmangur fatkeqësitë.
Të gjitha shkollat dhe universitetet në Irlandë do të jenë të mbyllura të premten. Transporti publik në Irlandë do të ndërpritet gjatë kohës që paralajmërimi i kuq është në fuqi.
Erëra deri në 130 km/h pritet të rrëzojnë një numër të madh pemësh dhe të shkaktojnë ndërprerje të energjisë, internetit dhe furnizimit me ujë.
Autoritet irlandeze u kanë bërë thirrje qytetarëve që të qëndrojnë në shtëpitë e tyre në mënyrë që të shmnagin rreziqet që mund të kanosin jetët e tyre.
