Një eskortë e klasit të lartë ka rikthyer vëmendjen mbi atë që ndodh pas dyerve të mbyllura në Davos gjatë Forumit Ekonomik Botëror. Salome Balthus, 40 vjeç, është një shoqëruese nga Berlini, e cila ka udhëtuar sërish në Davos të Zvicrës, për t'u takuar me klientët e saj gjatë takimit vjetor të elitës globale.
Salome i tregoi Daily Mail atë që ka mësuar për elitën e Botës dhe për atë që liderët ata po diskutojnë me dyer të mbyllura. Ata duket se janë të bindur se një apokalips i ndryshimeve klimatike është pranë nesh.
“Elefanti në dhomë është ndryshimi i klimës. Të gjithë e dinë se nuk mund të parandalohet më”, thotë ajo duke shtuar se “super të pasurit” ndahen në dy grupe për këtë temë.
"Një grup mendon se ndryshimet klimatike prekin vetëm të varfrit dhe "racën jo të bardhë", ndërsa të tjerët kanë frikë se kjo mund të përkeqësohet, por sipas tyre nuk ka kuptim të përpiqen për të bërë diçka. Kështu ata thjesht po kënaqen" - tha ajo për Daily Mail.
“Njëra gjysmë është në dëshpërim ndërsa gjysma tjetër budallaqe po feston vdekjet masive në të ardhmen. Sigurisht që nuk është kështu vetëm në Davos, por atje është e përqendruar” – tha ajo.
Salome tha se disa nga njerëzit e pasur që futeshin në grupin e parë thonë se ata në vendet e botës së tretë “mund të vdesin të gjithë, por ne prapë jemi mirë”.
“Ata thonë se në demokraci duhet të shesësh, duhet t’i gënjesh njerëzit dhe t’u thuash “nuk e dinim mirë dhe nuk e kishim menduar se do të shkonte kaq keq” –tregon ajo.
“Pastaj është një grup tjetër që mendon se mund të mos jetë aq e lehtë, ndoshta do të ndikojë edhe tek ata për shkak të reaksioneve zinxhir të paparashikueshme. Por ata thonë se nuk mund të bëjnë asgjë kundër të tjerëve, kështu që ata jetojnë duke ndjekur mantrën "pas nesh, le të përmbyset bota”.
“Ata thonë se do të gëzojnë edhe disa vite të tjera të bukur në tokë dhe e dinë se nuk ka të ardhme. Ata janë shumë cinikë dhe kjo është thellësisht e trishtuar”.
Salome tha se tema si kjo bëhen nga të pasurit kur janë në bar, sauna ose në hollet e hotelit, veçanërisht nëse tashmë kanë kthyer disa gota.
“Herë pas here i ngacmoj për këtë temë dhe ata bëjnë komente, pas së cilave unë mund të kuptoj vetë prapaskenën. Sigurisht, kjo funksionon vetëm nëse personi është i dehur vonë në mbrëmje dhe flet me dikë në bar, atëherë kjo është ajo që ndodh.
Ata janë jashtëzakonisht krenarë për këtë ose thjesht më shohin si një objekt dhe nuk mendojnë për faktin që edhe unë mendoj kur ata janë me mua. Publiku duhet ta dijë se armiqtë e të varfërve dhe të shtresës së ulët nuk janë emigrantët, por super të pasurit”, - shtoi Salome.
Salome tha se takimet mes klientëve të saj kanë të bëjnë me “pasionin e erotikës dhe pasionin e pushtetit, megjithëse kjo e fundit është më e madhe sa mund të fshijë edhe të parën'.
E diplomuar për filozofi dhe letërsi gjermane ajo tha se nuk bën më festa, ku duhet të presë që dikush ta marrë me vete.
Sipas faqes së internetit të agjencisë së eskorta të Salome në Berlin, një fundjavë u kushton klientëve 5 000 £, ndërsa një takim “kokë më kokë” për vetëm 2 orë fillon nga rreth 850 £.
Prostitucioni është i ligjshëm në Zvicër dhe punonjësit e seksit duhet të paguajnë taksa, të regjistrohen në autoritetet lokale dhe t'u nënshtrohen kontrolleve të rregullta shëndetësore. Dhe biznesi po lulëzon. ©LAPSI.al
