Ancelotti i tërbuar pas fitores 5-1 të Real Madrid: “Mungesë respekti ndaj meje”

Pas disfatës së rëndë në Superkupë kundër Barcelonës, Real Madrid ka reaguar duke shënuar 14 gola në tre ndeshjet e fundit, nga të cilët 5 kundër Salzburg të mërkurën në mbrëmje në Champions League. Një ndeshje e dominuar nga skuadra e teknikut Carlo Ancelotti, ku treshja sulmuese e “Los Blancos” tregoi të gjithë fuqinë e saj: dygolëshi i Rodrygos dhe Vinicius, si dhe goli i Mbappé, janë një kujtesë e qartë e forcës së frikshme sulmuese të Real. Megjithatë, ekipi madrilen ka ende shanse të vogla për të hyrë mes 8 të parave dhe për t’u kualifikuar direkt në fazën e 1/8-ve, por duhet fillimisht të fitojë ndeshjen e fundit në fushën e Brest dhe më pas të shpresojë në rezultate të favorshme nga ndeshjet e tjera (aktualisht është në vendin e 16-të në renditje). Pritej që tekniku Ancelotti të ishte i qetë pas ndeshjes, por ai e nisi konferencën me një ton krejtësisht ndryshe: “Duket sikur jam i zemëruar, dhe është e vërtetë, jam i zemëruar,” tha ai, përpara se të shpjegonte arsyen.

Pse Ancelotti u paraqit i zemëruar në konferencën për shtyp

“Të më duhet të pres një orë pas përfundimit të ndeshjes për të dhënë konferencën për shtyp është një mungesë respekti ndaj meje dhe ndaj jush,” tha trajneri 65-vjeçar, i cili ishte qartazi i irrituar për vonesën para daljes së tij para gazetarëve. Pasi kaloi këtë moment tensioni, Ancelotti përsëriti se po insiston më shumë në përmirësimin e qëndrimit mbrojtës të skuadrës, duke qenë se shënimi i golave nuk është problem me lojtarët që ai ka në dispozicion: “Në sulmin tonë ka shumë kreativitet, por çelësi i suksesit është mbrojtja. Nuk do të kemi kurrë probleme për të shënuar gola, prandaj është më mirë të fokusohemi te puna mbrojtëse, sepse aty mund të përmirësohemi”.

?️ Carlo Ancelotti: "Hoy estoy enfadado, el partido ha terminado hace una hora, y he tenido que esperar una hora para la rueda de prensa, es una falta de respeto hacia mí y hacia vosotros." MI ENTRENADOR ?????? pic.twitter.com/KoV2QP3iUh

— REAL MADRID FANS ? (@AdriRM33) January 22, 2025

Çdo rast është një mundësi për të bindur edhe yjet e tij të japin një kontribut në mbrojtje. Ancelotti e di se sukseset e Realit kalojnë përmes këtij aspekti: “Rodrygo i paprekshëm? Sigurisht që është, sepse si të tjerët, ai shënon në çdo ndeshje. Po argëtohemi dhe do të argëtohemi edhe më shumë kur skuadra të mbrohet më mirë. Roli i Mbappés në fazën mbrojtëse nuk është si ai i Rüdigerit, secili duhet të bëjë thjesht detyrën e tij për të përmirësuar mbrojtjen. Duhet të jemi sa më kompaktë, pa marrë parasysh mënyrën si mbrohemi. Është çështje përqendrimi, sakrifice dhe angazhimi. Skuadrat që mbrohen mirë fitojnë.” Ancelotti nuk ngurron të jetë i sinqertë kur e pyesin për eliminimin e mundshëm të Manchester City nga Champions para fazës së eliminimit direkt, që do të ishte një tronditje e madhe: “Po, do të ishte mirë që City të eliminohej, sepse është një nga skuadrat pretendente për të fituar sërish Champions League”.