Një aksident me pasojë vdekjen raportohet të ketë ndodhur në Vignola të Italisë. Një automjet tip Citroen C3, me të cilin po udhëtonin 5 djem ka dalë nga rruga, është përmbysur disa herë dhe më pas është përplasur me një mur të një shtëpie.
Si pasojë e aksidentit ka humbur jetën një 18-vjeçar shqiptar i identifikuar si Idris Kreshpaj dhe një 24-vjeçar maroken i identifikuar si Rida Sidrine. Gjithashtu kanë mbetur të plagosur edhe dy të rinjtë e tjerë (17 dhe 23 vjeç) që ndodheshin në makinë, të cilët ndodhen në spital me fraktura të shumta dhe të nxira.
Nuk dihen ende shkaqet dhe rrethanat se si ka ndodhur aksidenti, sakaq nga hetimet fillestare rezulton se nuk janë përfshirë automjete të tjera. Autoritetet italine kanë nisur hetimet për zbardhjen e plotë të ngjarjes.
