Politikat e administratës së presidentit të ri të SHBA-së, Donald Trump, tani e tutje do të njohin zyrtarisht vetëm dy gjini, mashkull dhe femër, deklaroi sot një zyrtar i qeverisë së re – përpara ceremonisë së betimit të Trump.
Zyrtari e argumentoi rregulloren e planifikuar duke theksuar nevojat e lindura dhe ato biologjike që gratë kanë për sa i përket privatësisë.
“Femër do të thotë një person që në ngjizje i përket gjinisë që prodhon qelizën e madhe riprodhuese”, tha ai.
Presidentët amerikanë mund të zbatojnë prioritetet politike me ndihmën e të ashtuquajturave urdhra ekzekutivë pa miratimin e Kongresit të SHBA.
Megjithatë, ato gjithashtu mund të kundërshtohen në gjykatë më lehtë sesa ligjet.
“Fshirja e mëparshme e gjinisë, gjuhës dhe politikës ka pasur një ndikim dëmtues, jo vetëm ndaj grave, por edhe ndaj vlefshmërisë së sistemit amerikan”, tha zyrtari duke iu referuar ekstremizmit të ideologjisë gjinore.
Dokumentet zyrtare si pasaportat dhe vizat duhet në të ardhmen, të pasqyrojnë me saktësi gjininë.
Trump njoftoi gjatë fushatës së tij zgjedhore se do të merrte masa politike kundër të drejtave të personave transgjinorë në Shtetet e Bashkuara të Amerikës. Pjesëmarrja e grave transgjinore në aktivitetet sportive u bë një nga temat e fushatës zgjedhore të republikanit.
