Këtë të hënë është arrestuar shoferi 80-vjeçar i cili mesditën e djeshme aksidentoi për vdekje 22-vjeçarin. I riu po lëvizte me motor, në momentin e përplasjes.
“Specialistët e Sektorit të Policisë Rrugore, në vijim të veprimeve hetimore për aksidentin e ndodhur ditën e djeshme, në aksin rrugor “Peshkëpi-Kotë”, arrestuan shtetasin J. K., 80 vjeç, banues në Vlorë, pasi drejtonte automjetin që u përplas me motomjetin me drejtues shtetasin F. K., 22 vjeç, banues në Tiranë, i cili humbi jetën“, njofton policia.
