Papa Francesku është rrëzuar mëngjesin e sotëm në shtëpinë e Santa Marta. Mediat italiane shkruajnë se kreu i Vatikanit pësoi një kontuzion në parakrahun e djathtë, por fatmirësisht pa fraktura. Krahu është fashuar si masë paraprake, sipas një njoftimi nga Zyra e Shtypit e Selisë së Shenjtë.
Papa pati një incident në shtëpi edhe në 7 dhjetor 2024 kur goditi mjekrën në komodinën e tij. Kjo i shkaktoi një hematomë të madhe në fytyrë. Papa megjithatë nuk e shmangu axhendën e tij, duke mbajtur seancat e planifikuara.
Fotot e para të Papa Françeskut pas rënies janë shpërndarë nga mediat e Vatikanit. Papa duket i buzëqeshur dhe me shëndet të mirë, por me krahun e tij të mavijosur të mbajtur të fiksuar nga një garzë e gjatë e bardhë. Këtë të enjte ai priti edhe kryegjyshin Botëror të Bektashinjve Baba Edmond Brahimaj. ©LAPSI.al
.jpg?width=1024)
