Një aksident ka ndodhur disa minuta më parë në autostradën Levan -Tepelenë, në vendin e quajtur “Kthesa e Fratarit.”
Si pasojë e përplasjes kanë mbetur të plagosur një çift, burrë e grua nga Tepelena.
Sipas burimeve paraprake automjeti që udhëtonte çifti drejt Tepelenës ka goditur frikshëm nga prapa një automjet të tonazhit të lartë i cili kishte ndalur në rrugë për shkak të një defekti në motor. Goditja ka qenë e fortë ndërsa të dy janë plagosur.
Për momentin të lënduarit janë përcjellë në Qendrën Spitalore të qytezës së Fratarit e cila ndodhet 500 m larg vendngjarjes ndërsa në vendngjarje ka mbërritur edhe policia.
