Një shpërthim i fuqishëm në një biznes, pak pas mesnatës së të shtunës, ka sjellë panik dhe frikë. Në biznesin e hedhur në erë në atë orë nuk ka pasur asnjë person brenda, por biznesi i shkatërruar është një hotel që shërben edhe si market për një prej zonave më të frekuentuara në Shqipëri, Theth.
Frederik Paplekaj është autori i dyshuar i vendosjes së lëndës plasëse. Autori ka marrë rrugën nga shtëpia e tij për në ndërtesën që i shërbente si biznes dy vëllezërve në Theth, ka hedhur lëndën plasëse dhe më pas është larguar. Paplekaj ka harruar se i gjithë objekti ka qenë i pajisur me kamera sigurie, që kanë mundur të fiksojnë edhe pamjen e autorit.
Brenda pak orësh policia arriti të identifikojë dhe të arrestojë autorin e dyshuar. Pas marrjes në pyetje nga policia, Paplekaj deklaroi se ka marrë porosi nga burgu për të vendosur lëndë plasëse në marketin e shtetasit Ç.B.
