Reshjet e dëborës kanë sjellë problematika të shumta në qarkullimin e mjeteve në rrugë. Situata është e rëndë në në aksin nacional Burrel – Milot në vendin e quajtur Qafa e Ulzës.
Burime bëjnë me dije se qindra mjete janë të bllokuara prej disa orësh, ndërsa raportohet se mes ty ka edhe të sëmurë që ishin nisur drejt spitalit të Tiranës me mjete private.
Qytetarët e bllokuar aty prej disa orësh thonë se asnjë mjet borëpastrues nuk ka shkuar për të hapur qarkullimin, ndërsa shumë prej tyre kanë mungesë edhe të karburantit.
Situatë problematike është edhe në aksin nacional Bulqizë – Peshkopi në vendin e quajtur “Pishat” ku për shkak të erës rruga mbetet e bllokuar pasi trashësia e borës arrin deri në 60 cm.
