Një sherr ka ndodhur mbrëmjen e sotme në Pogradec në një berberane në lagjen numër 1 të qytetit. Mësohet se një konflikt ka ndodhur mes shtetasve N.A., 23 vjeç, dhe S.S., për motive të dobëta. Gjatë konfliktit 23-vjeçari është dëmtuar me një mjet prerës. Pas marrjes së ndihmës mjekësore, ai është paraqitur në komisariat për të bërë kallëzim.
"Në lagjen nr.1, Pogradec, shtetasi N.A, 23 vjeç, është konfliktuar për motive të dobëta me shtetasin S.S.Si pasojë e konfliktit shtetasi N.A, është dëmtuar me një mjet prerës, i cili pas ndihmës mjekësore është paraqitur në Komisariat dhe ka bërë kallzim.
Shërbimet e Policisë janë vënë në ndjekje të autorit dhe vijojnë kontrollet për kapjen e tij. Grupi hetimor nën drejtimin e Prokurorisë po punon për zbardhjen e rrethanave dhe motivit të ngjarjes", thuhet në njoftimin e policisë.
