Policia e Shkodrës ka arrestuar një person pasi vodhi 92 palë këpucë dhe çanta të përdorura. 61-vjeçari Gëzim T. është prangosur pasi kreu vjedhje të vazhdueshme në një dyqan në rrugën “Dervish Beg”. Ishte pronari i dyqanit ai që e kapi hajdutin pasi vuri mungesën e mallit të tij. Ai vendosi një kamerë të fshehtë sigurie në ambient.
Në 28 dhjetor kur hajduti u fut sërish në dyqan për të vjedhur pronari njoftoi policinë që arrestoi në flagrancë 61-vjeçarin. Gëzim T. ka mohuar se të ketë qenë autor i vjedhjes dhe se ka qënë rastësisht duke kaluar në rrugë. Por kontrolli në banesën e tij ka provuar se ka qenë pikërisht ai autori i vjedhjeve. Në oborrin e 61-vjeçarit u gjetën 92 palë këpucë si dhe 8 canta që dyshohet se i kishte vjedhur në dyqnin në rrugën Dervish Beg.
