Një 32-vjeçar është arrestuar nga policia pasi shiste kokainë, e cila iu gjet e ndarë në doza në automjetin e tij.
Policia ndaloi automjetin e Florenc Banushit në aksin rrugor "Pogradec-Qafë Thanë", bazuar në informacione të siguruara në rrugë operative. Gjatë kontrollit fizik dhe të automjetit, u gjet një sasi lënde narkotike kokainë, e cila dyshohet se ishte destinuar për shitje në doza.
'Gjatë kontrollit fizik ndaj drejtuesit të automjetit, shtetasit F. B., dhe kontrollit në automjet, shërbimet e Policisë kanë gjetur sasi lënde të dyshuar narkotike kokainë, që dyshohet se ai e posedonte me qëllim shitjen në doza.
Në përfundim të veprimeve u arrestua shtetasi F. B., 32 vjeç, banues në Tiranë, si dhe u sekuestrua sasia e kokainës.', njofton policia.
Materialet procedurale i janë referuar Prokurorisë pranë Gjykatës së Shkallës së Parë Korçë për veprime të mëtejshme, për veprën penale “Prodhimi dhe shitja e narkotikëve”. Autoritetet po vijojnë hetimet për zbardhjen e plotë të aktivitetit kriminal.
