Mëngjesin e sotëm është paraqitur në SPAK Elman Abule, miku biznesmen i kryebashkiakut të Tiranës, Erion Veliaj.
Elman Abule mbërriti në SPAK një ditë pas bashkëshortes së tij, Marisa Nito. Të dy janë thirrur të dëshmojnë për çështjen e hapur ndaj kryebashkiakut Veliaj dhe familjarëve të tij.
Nito u paraqit në SPAK në cilësinë e personit që ka dijeni, ku qëndroi për më shumë se 4 orë. Në dalje ajo nuk pranoi të japë asnjë koment për median. Edhe Elman Abule refuzoi të flasë për mediat e pranishme.
Kujtojmë se në SPAK janë paraqitur më përpara edhe kryebashkiaku Veliaj dhe bashkëshortja e tij, Ajola Xoxa.
Hetimi që ka përfshirë kryebashkiakun Veliaj dhe familjarët e tij është regjistruar për veprat penale të “korrupsionit pasiv dhe aktiv të funksionarëve të lartë shtetërorë, ose të zgjedhurve vendorë”, “pastrimit të parave” dhe “fshehjes së pasurisë”.
