Një 14-vjeçar është vrarë me thikë në një autobus dykatësh juglindje të Londrës.
Ngjarja e rëndë ka tronditur Britaninë e Madhe pasi ende nuk dihen shkaqet e ngjarjes dhe deri më tani nuk ka persona të arrestuar.
I mitur ndërroi jetë në vendin e ngjarjes në autobusin 472 në rrugën Woolwich Church pranë kryqëzimit me Rrugën A205 South Circular në Woolwich.
Autoritetet britanike kanë bllokuar zonën për të hetuar rreth ngjarjes tragjike, ku humbi jetën një 14-vjeçar.
Një zëdhënës i Shërbimit të Ambulancës në Londër tha: "Ne dërguam burime në vendngjarje, duke përfshirë një ekuipazh ambulance, një ndihmës mjekësor në një makinë të reagimit të shpejtë, një oficer të reagimit ndaj incidentit dhe një ndihmës mjekësor nga njësia jonë e reagimit taktik. Mjerisht, me gjithë përpjekjet më të mira të ekuipazheve tona, adoleshenti u shpall i vdekur në vendngjarje”.
