Karabinierët në Umbertide të Italisë arrestuan një 29-vjeçar shqiptar, që u kap për shpërndarje të lëndëve narkotike.
I riu, pa precedentë penalë, tërhoqi vëmendjen e efektivëve në një shërbim patrullimi, pasi iu afruan disa djemëve. Më pas ai u ndoq teksa ndodhej në një makinë të vogël me qira dhe u ndalua për kontroll në një zonë periferike, ku u shfaq shumë nervoz dhe i shqetësuar.
Pas një kontrolli të imtësishëm personal, iu gjetën afërsisht 5 gramë kokainë të fshehura në pjesët intime dhe të ndara në doza, që tregon për një aktivitet narkotrafiku.
Kontrolli i mëpasshëm, i shtrirë në dhomën e hotelit ku ai qëndronte ende në qytet, bëri të mundur gjetjen e 65 gramë të tjera lëndë narkotike kokainë të ndara në doza, përveç shumës së parave prej 1690 euro, të ardhurat e aktivitetit të trafikut të drogës që kryente, informon media. 29-vjeçari u arrestuar për posedim dhe tregtim të lëndëve narkotike dhe Gjykata e Perugia dha masën e paraburgimit.
