Një aksident ka ndodhur mbrëmjen e djeshme (30 dhjetor) në hyrje të qytetit të Beratit, në vendin e quajtur "Ura e Salillarit". Një automjet, tip Fuoristradë ka kryer një parakalim të gabuar dhe pasi ka humbur kontrollin është përmbysur.
Forcat e policisë dhe zjarrëfikësit kanë nxjerrë nga mjeti 3 të rinjtë që udhëtonin së bashku.
Të plagosurit janë transportuar me ambulancë drejt Spitalit Rajonal Berat, ku ndodhen në kujdesin e mjekëve dhe gjendja e tyre shëndetësore është e stabilizuar.
Në vendngjarje shkuan forcat e policisë rrugore, për kryerjen e veprimeve të nevojshme proceduriale.
