Autoriteti Kombëtar i Veterinarisë dhe Mbrojtjes së Bimëve ka bërë me dije se është identifikuar një vatër e re e gripit të shpendëve në Zall-Herr të Tiranës. Ky njoftim vjen pasi Ministria e Bujqësisë dhe Zhvillimit Rural ka konfirmuar dje ngordhjen e 15 krerëve nga "Murtaja Afrikane e Derrave" në Lezhë.
Më tej në reagimin thuhet se vatra është identifikuar në një fermë me pula dhe gjela deti ku janë marrë masa për kontrollin efikas dhe të menjëhershëm të situatës në terren. Autoriteti Kombëtar i Veterinarisë dhe Mbrojtjes së Bimëve thekson se ditën e sotme përfaqësues të AKVMB inspektuan nga afër vatrën e identifikuar si pozitive në Fshatin Cekrez Morinë.
Në njoftim theksohen se janë marrë të gjitha masat për eleminimin me qëllim ç’rrenjosjen e infeksionit, si dhe është karantinuar vatra e zonat e mbrojtjes dhe mbikqyrjes, për izolimin dhe parandalimin e përhapjes së infeksionit.
